82岁婆婆撑青年无私付出：“唔想学生仔孤单”

82岁的麦瑞芳婆婆总是很支持学生。前日在金钟留守至最后一刻，又劝喻女学生先离开，以免学业受累，场面感人。她说只因「唔想学生仔孤单」；她对政党议员信心尽失，昨日说起学联秘书长周永康，也道：「如果佢入去做议员，我都支持佢嘅，佢会为我哋做嘢」。她十分强调学生无私地付出，「佢哋唔系为自己，但出咗好多力」。

麦婆婆。

相信警察有同道中人

近日社会上有呼声，促学生领袖等新生代组党参选，推动变革，坚持与学生共同进退的麦婆婆，也说对学生有信心。麦婆婆坦言：「我对议员冇好感」，认为现时很多政党人士，不管在立法会或区议会，终日「挂住做骚，都唔系为我哋做嘢学生入去选，我就唔担心，我支持嘅」。她认为周永康、黄之锋等学生领袖，「做好多嘢，出好多力，唔系为自己啰，自己都系得益少少」。

麦婆婆前晚约7时被捕，昨晨6时多获无条件释放，坦言「好攰呀，又冻，冻到我脚痛，好彩都有毡冚」。说到被捕的过程，麦婆婆大感不满，指不少警察太粗暴。她说，在金钟拘捕她的女警过份用力，「炼到我好痛呀！我同佢讲，我又唔系暴力，仲乜咁喎」。她又感到负责搜身的女警太粗暴，「扫我个身扫得几犀利呀，连我个袋仔收埋钱嘅都摷埋，我又唔系做贼」，只有装着报纸的背包，也被仔细检查。

不过，到了警局，遇到的警员则相对温和得多，她说：「斟暖水我饮，又同我讲笑，可能因为我老啦」。她亦相信，警察当中有不少同道中人，「我哋系和平集会，为佢哋争取嘢喎始终佢都钟意民主嘅，不过唔敢做啫。不过有警员话呀：阿婆你使唔使讲得咁白呀！」