纹身狂人碧咸又有新纹身喇, 今次呢个真系好爆，唔系中文字，唔系送畀老婆，而系近期hit爆嘅Minion呀!英格兰万人迷碧咸劲锡细女夏柏舒芬(Harper Seven)，阿女叫佢做乜都肯制，Seven女玩到好大，竟然要佢纹只迷你兵团(Minion)上身呀!得3岁人仔嘅Seven狂迷动画《迷你兵团》，佢见老窦个身劲多纹身，加多只Minion都没乜所谓啦，所以就叫咸爷纹喇!碧咸嫂维多利亚喺instagram上载张相，仲忍唔住笑佢老公添!
不过，各位咸粉放心啦，你哋个男神个body唔会长期有只Minion挞喺度咁低B嘅，呢个Minion纹身只系印水贴纸嚟咋!碧咸先没咁笨呀，等阵Seven女下个星期话要整只叁眼仔，之后再加只史迪仔，咁佢咪变咗动画代言人!
评论 (0)