香港，昨天开学日，昨午〈凝燃－－2016-2017年度伊汤中学生会内阁〉fb就上载了一段片段。片中显示，位于天水围的伊利沙伯中学旧生会汤国华中学，该校2016至17年度学生会主席汤锦婷，在开学礼致辞的片段。与一般预期的不同，汤锦婷发言的内容，主题是「学习做一个不够体面的人」。
其他报道：男拔附小简介会爆满 有人通宵冒雨排队 校长称家长对谈不计分吁放鬆
汤锦婷一开始便说，希望以下一番说话，可令在场校长师生「因此而有唔同嘅想法」，以自己班主任中在去年家长日中，向她家长说她「做人唔够圆滑」，「将来出到社会会非常吃亏」。
但汤接着说：「然而，我反而认为大家都应该尝试去学习做不够体面、择善固执嘅人。」然后举学生会去年向校方争取外出午膳计划，任内也曾因不同活动事务，跟校方尤其是两名顾问老师出现不少争执。但她指出，学生会这些在成年人和传统思想中「不够体面」的想法，让校方和教师「明白咗我嘅坚持，从而让我哋都可以互相理解。」
汤锦婷进而讲及，早前运动会开幕礼中，他们的学生会内阁背向中国国旗，「当时有好多老师话我哋不识尊重、不识大体」，「但喺（係），当面对住呢一个共产政权、面对住香港一日一日被破坏嘅自由之时，喺我哋有清晰嘅论述去解释我哋嘅举动时，我同我嘅一班庄员都坚持以唔够得体嘅方式去表达我哋嘅不满。」
她再说及当前在港，「一共有24名政治犯被囚禁」，「佢哋或者就係以『唔够体面』嘅精神去争取香港民主、独立、自主、自决。呢一班年轻人可能会被社会大众批评佢哋不识大体，甚至漠视佢哋为改变社会所作出嘅努力，选择同佢哋切割，但佢哋都会坚持住以自己嘅力量去对抗种种来自政权嘅打压。」
汤锦婷接着总结：「我知道顾全大局、大方得体有佢嘅好处。但我哋更加珍惜心裡面对真理嘅追求同坚持」，「年轻人或者会以『唔得体』嘅方式，去坚守我哋心中嘅原则，不懂世故、唔够圆滑，但係青葱岁月就容让我们跌跌撞撞咁学会『坚持』呢一课，去守我哋嘅核心价值，学会做一个唔够圆滑嘅人，即使会吃亏。」
最后，汤锦婷特别点名讚赏若干老师，包括她发言中提及的两名顾问老师。片段显示，汤锦婷致辞完毕一刻，全场响起掌声，包括台上人士。
有关片段昨午约2时上载面书后，截至今午约3时，已有2.6万次浏览，逾千个「like」及「心心」等表情反应，和444个分享。
以下为汤锦婷致辞全文：
《2017至18年度开学礼致辞稿件》
校长、各位老师、各位同学，大家好。我喺16－17年度学生会主席，6A班汤锦婷。
我好幸运，今日有机会可以同大家去讲一番说话，让大家可能因此而有唔同嘅想法，或者能够对你哋带嚟唔同嘅影响。
谂起每年典礼上校长同各位学生领袖透过演讲鼓励同学努力发奋，我自认为自己喺学习上面无乜资格做呢类既分享，上年最叻係聚集咗一批关爱学校、关心社区、关注香港既同学组织内阁参选学生会，胜选后一步一脚印咁履行竞选承诺，至于功过，就留待各位同学去评价。而我哋喺当中有唔少反思，想同大家分享。
今日想分享嘅主题喺「学习做一个不够体面的人」，记得去年家长日嘅时候，我嘅班主任同我家长讲我做人唔够圆滑，虽然咁嘅性格都有好嘅地方，但将来出到社会会非常吃亏。然而，我反而认为大家都应该尝试去学习做不够体面、择善固执嘅人。仲记得学生会去年争取外出午膳计划，我同我嘅庄员反反覆覆咁将计划同校方倾咗好多次，将我哋认为唔合理嘅地方要求校方解释。呢一啲行为，喺好多成年人眼中都喺不识妥协、不识大体嘅表现，但喺如果当初我哋唔作出同一个选择，我都唔能够保证今日个计划仲会唔会实行。仲记得喺学生会任期期间，就住不同活动事务，我同两位顾问老师都有过唔少争执，喺传统思想上，去反驳长辈，会被认为喺唔得体、无礼貌嘅表现。然而，正因为我嘅不够体面，令佢哋明白咗我嘅想法，明白咗我嘅坚持，从而让我哋都可以互相理解。仲记得运动会开幕礼上，凝燃庄员背向中国国旗呢件事，当时有好多老师话我哋不识尊重、不识大体。但喺，当面对住呢一个共产政权、面对住香港一日一日被破坏嘅自由之时，喺我哋有清晰嘅论述去解释我哋嘅举动时，我同我嘅一班庄员都坚持以唔够得体嘅方式去表达我哋嘅不满。
环顾今日，社会上有好多年轻人以「唔够体面」嘅精神去坚守佢哋嘅信念、以「唔够体面」嘅精神去守护住佢哋热爱嘅家园、以「唔够体面」嘅精神去面对艰难嘅人生。很难相信直到今日，一共有24名政治犯被囚禁。佢哋或者就係以「唔够体面」嘅精神去争取香港民主、独立、自主、自决。呢一班年轻人可能会被社会大众批评佢哋不识大体，甚至漠视佢哋为改变社会所作出嘅努力，选择同佢哋切割。但佢哋都会坚持住以自己嘅力量去对抗种种来自政权嘅打压。我知道顾全大局、大方得体有佢嘅好处。但我哋更加珍惜心裡面对真理嘅追求同坚持，年轻人或者会以「唔得体」嘅方式，去坚守我哋心中嘅原则，不懂世故、唔够圆滑，但係青葱岁月就容让我们跌跌撞撞咁学会「坚持」呢一课，去守我哋嘅核心价值，学会做一个唔够圆滑嘅人，即使会吃亏。
任期将满，今次喺我最后一次以学生会主席身份在此致辞，亦藉此机会，再一次感谢凝燃每一位助选团成员、感谢每一位信任凝燃嘅同学。感谢两位顾问老师，高柱坚老师以及黎剑锋老师。以及每一个帮助过我哋、支持过我哋嘅老师。特别要感谢张兆聪老师给予过我嘅鼓励同每一次我怀疑自己时，给予给我嘅信心。感谢凝燃嘅一班庄员，两位毕咗业嘅顾问，喺呢一个任期内嘅付出同努力，感谢你哋同我一样咁傻咁坚持，无你哋就无凝燃。希望大家可以将掌声给予我嘅一班庄员，感谢佢哋呢一年对学生会以及汤中嘅付出。
最后，在此祝愿各位同学，希望我哋都可以成为我哋心中想要成为嘅人。并喺呢一年享受校园时光。多谢。
评论 (0)